Elanne大爆老公上年周年只帶她到慈雲山食魚蛋粉。
江若琳（Elanne）與老公蕭唯展（Oscar）昨日（23日）在結婚4周年（絲婚）的大日子宣布造人成功，並在社交網大曬超聲波照片。
昨晚，Oscar就與大肚的Elanne撐枱腳慶祝結婚周年，準媽咪Elanne在社交網貼出不少甜蜜合照，並大讚向來零儀式感的Oscar 今年好識做：「一個0儀式感嘅先生，竟然識訂餐廳，Book枱同我食飯聽Jazz慶祝，特此留念，我內心滾（感）動到不得了，佢終於進步啦，請繼續努力！keep住！上年佢帶我食慈雲山魚蛋粉咋 #今時果然唔同往日 #呢10個月我會好好招呼佢 #正所謂要風得風要雨得雨 #多謝每一個朋友仔嘅祝福 #令我滾動咗一日」。
Oscar與大肚Elanne撐枱腳慶祝結婚4周年。