由從前做雜誌、報紙，到今時今日做Freelancer，這些年來都跟很多很多的攝影師合作過，發覺普遍而言大部分攝影師用了九成以上的腦汁鑽研攝影，偏偏許多並非攝影技術卻跟足以影響成果的工作，就總會不上心或者不想去了解。
我的舊同事A君試過跟攝影師一起到日本本州影冬天的冰雪祭典，事前已經給攝影師看過很多比人還要高的積雪照片作參考，誰知到機場匯合時發現攝影師只帶很少行李，一問之下竟然發現攝影師連羽絨、雪褲等防寒衣物也沒帶，攝影師大言不慚說：「乜真係咁大雪咩？我唔着羽絨㗎，咁厚，影相行來行去唔方便郁動！」幸好他們在東京轉機逗留兩天，A君馬上拉攝影師到「激安之殿堂」從頭到腳置裝。A君：「當日東京不過係10度，唔算很冷……攝影師竟然一買咗羽絨就立即着住唔除，仲好得戚咁講：『乜原來真係咁暖㗎？』激到我差啲爆血管！」後來碰上十年一遇的東北大風雪，攝影師終於都明白A君的苦心，不斷多謝前多謝後。A君卻謂：「你估我真係心地善良？我只不過係唔想佢病咗影唔到相，到時都唔知點同上司交代……」我問這攝影師是否初出茅廬的後生仔，A君更火：「成三十幾歲人喇，仲話喺歐洲唔知邊度留過學！」
所以，每次遇到「善解人意」的攝影師，我都會有「劏雞還神」的感覺！ 一男一女兩個資深副刊記者，N年前一齊下海撈散，從此不想再受公司制度束縛。