多蒙特對摩納哥嘅歐聯8強首回合，因為多蒙特隊巴從酒店出發前往西法倫球場時遇到炸彈爆炸，只有後衛馬斯巴查手腕受傷送院，算係不幸中大幸，球場內外則未有發現危險品。客軍球迷早已入場，雖然球場大屏幕已經出咗取消球賽通告，但係佢哋得知爆炸事件後冇立即離場，反而留低一齊拍手高唱「多蒙特」，以示十卜；多蒙特球迷亦禮尚往來，為客軍球迷提供住宿，多蒙特亦喺官方Twitter轉發呢個訊息。
比賽時就係敵人啫，比賽以外，都可以好有人情味嘅！既然今次事件冇太大影響，都係打鐵趁熱，比賽只係延遲1日咁多，改為當地時間周三傍晚開波。