歐聯8強次回合，皇馬主場加時後以4比2擊敗拜仁，C朗大演帽子戲法，喺歐聯正賽入球數字創新高，達到100球；佢第46次為皇馬連中三元，喺皇馬已累積到395個入球，差5球就到達400大關。佢加盟「銀河艦隊」之後，連續8個球季入球達30球或以上，數字真係驚人。之但係入球機器唔係個個like，佢喺加時兩個入波都越咗位，睇番慢鏡就有片有真相，不過當時球證又冇吹雞，可以點呢？拜仁粉絲梗係鬧爆，失球具爭議性兼打少個而被淘汰，實躁底啦！今次C朗頂帽，係戴得尷尬啲，但係唔關佢事，係揸旗同吹雞嘅仁兄決定嘅。不過，今仗噓C朗嘅又係班拿貝嘅球迷，難怪C朗嬲嬲豬！