四仔不是夢

長大後才發現四仔只是一種信仰，是一種精神上的交流，四仔並不是真實的。我們只能夠每晚偷偷地想一想，唔好俾人知，否則人地會笑你太天真。

四仔係屋仔、車仔、老婆仔同BB仔。

同時想要齊四樣，在香港實在困難。

六月底因工作關係，我已經回到大陸搵食。大陸的疫情已經完全受控，想劈酒嘅有得劈，想落club嘅有得落，唔輪到你唔服。而近期最多人講嘅，就係國內高考的放榜。今年跟內地朋友交流高考放榜後的發展，留意到一個跟過往很大的變化。以前最叻嘅人全部都去考公務員，因為做官各方面嘅發展同待遇都比其他任何專業好。

而近年所收到嘅輿情有非常大的變化，大家覺得公務員變成只不過係二流兜底嘅選擇，首選係入職年薪40萬(人民幣)嘅各大科技公司。

以華為作例子，其招募講座就說得很清楚透徹。如果你能夠畢業後順利入職，入職人工起點係40萬人仔一年。期間如果你能夠順利完成職責上嘅本份，則不會炒魷魚。到第三年，每年你會收到最少100萬人仔嘅花紅。

跟住到第七年，如果你夠搏，上到level 7嘅技術級別，一年會有1000萬人仔花紅。

以上只不過係其中一間公司個其中一個工種嘅例子。而我從事嘅房地產業，大公司從來都不吝嗇人工咁豪請貴人，因為內地的增值稅、利得稅非常高。大公司嘅思想係，既然啲錢都係攞去交稅，不如高薪厚職請人才來抵稅。因此，近年因內地經濟快速發展的大環境下，賺錢的企業多了，高薪厚職的機會也多了。

美國哈佛大學於7月份發佈《理解中國共產黨的韌性：中國民意長期調查》，2005年到2016年間，民眾對中央政府的滿意度由80.5%上升至93.1%。調查結果顯示，滿意度增加除了因為腐敗問題得以有效的改善，關鍵是在這十年中，大家的生活都得以顯著的改善。從前四仔是信仰，現在四仔不是夢。

在香港經常聽到有人說：「而家香港啲年輕人點夠大陸仔鬥呀，睇下清華北大學生，再睇下香港廢青！玩完啦！」

我不認同。而且本人在大陸打滾了十幾年，也有一定的發言權。

如果你要搵清華北大嘅學生來同我哋比，我地就搵5星星狀元同你比。如果你要搵土豪家嘅傻仔來同我比，我就搵過傻過你嘅同你比。

如此公平競爭下，目前香港人仍然是有競爭力的。當然，隨著時代的變化，可以預見競爭力會因文化及大環境的原因而漸漸在減退。

因此本人建議，為了改善新世代的生活條件及向上流動機會。政府該積極跟內地各大科技公司等具規模企業達成戰略合作關係，促進各大企業在香港擴大規模，大量請人。讓本地人才有一個向上流動的機會，讓有能力的人能夠過上一個有尊嚴的生活。