職場奴騷一show—打工仔認為比確診更糟的竟然是……
【年近歲晚的打工】
年近歲晚的打工最怕是「確診」？還是有其他更重要的？今期正正就是要幫大家宣洩一下……
【處境一：任務被阻】
無論對手是客戶方(上家) ，還是供應商(下家)，若果負責的人，有任何原因不在，那麼，我又怎能完工、交貨、收錢、安心過年呢？
跟供應商的對話：「吓！之前講好晒！依家先玩失蹤！你交唔到貨！咁我批貨唔洗埋尾啦？砸住過年啦……」
跟客方的對話：「唔喺掛！貨就交晒……依家先玩失蹤！仲諗住趕埋批貨，交咗，收錢過年添，咁依家乜都冇啦！」
【處境二：見唔到親友】
有某些人很想獨處，想寧靜；但有些人卻剛好相反，完全不能獨處，就連乘車或工作時都要聊天或有音樂陪伴著……倘若被隔離見不到親友，情況將會變成：
「可唔可以在家隔離呀？我唔可以見唔到隻貓！我唔可以自己一個人入隔離營……」
「我可唔可以跟埋我honey一齊入隔離營呀？我冇咗佢，我瞓唔到！」
【處境三：無人指示】
「唉！阿頭被人隔離咗……叫我自己揸住主意先……，我做嘢就叻，但喺成世人都未揸過主意……我可唔可以問吓：『揸呢個主意好啲？定喺揸嗰個主意好啲？』吖！咪住！仲有我想問吓……」
「哎呀！阿頭唔喺到，蒸溜水公司打嚟，問過年前張單要送幾多樽水？……我點知喎！訂得太少，冇水飲要俾人鬧！訂得太多，阻住啲地方又俾人怪！阿頭，雖然你喺隔離營，我求吓你都覆吓我啦……唔該晒！」
【處境四：程序被擾亂】
某種員工好有紀律，工作態度嚴謹。只可惜，疫情的影響廣而深，很多人、物資、流程……都被影響，結果是：
「我做咗十幾年，都喺訂開呢嗰牌子，呢嗰型號……依家你話冇貨！咁我哋點算？你新嚟㗎？」
「我就吓你，改晒啲規矩！咁又有邊嗰就下我，接受呢啲從來未試過嘅做法？我實俾人炒！你過咗年唔洗見我啦……你叫我下一任就吓你啦！」
【EC心理微職Fun】
處境一/四：其實這些都是跟「事情」/「理性」相關的例子，筆者絕對認同對話當中的誰是誰非；只可惜，在動盪非常的疫情下，的而且確出現很多事與願違。
從今開始，儘可能把事情用白紙黑字記錄下來。是否去到立約階段，聰明的讀者再自我判斷；但有了一個清晰的記錄，至少能減少無謂的爭拗；省點時間事小，保重身體事大；這些記錄，甚至可以成為索償的証據。再者，老闆問責的時候，你始終都會站在理直氣壯的一方。
還有一個錦囊：「後備方案」(Plan B) 是疫情新常態下，不可或缺的！
處境二：其實這些都是跟「關係」/「感性」相關的例子；在正常的生態下，這些都是點綴生活，愛和快樂中的重要元素！只可惜接近3年的疫情仍未能退去，這種朋友要加油！在科技的支援下多學習和嘗試，科技不能取代感情，但科技一定可以帶來便利！您懂的！
處境三：其實這類朋友，帶著以上綜合的情況，所以，請再翻閱上述兩段一次；更重要的，處境三的朋友是處於「未成熟」和「過份依賴」的狀況。所以，一份好的「白紙黑字Plan B」，對他們來說，其實經已是「無敵的錦囊」。當然，他們難得有機會「揸主意」，若能夠珍惜，「經一事，長一智」就更加難能可貴了！
預祝大家安心收爐！平安在家過年！