長假期後返工：下一站地獄

****以下是職員占美和同事燕姐的手機對話****

占美：燕姐早晨…(有急速的呼吸聲) ！

燕姐：占美，又請假呀？

占美：燕姐，請假就唔會戳(chok)住條氣啦！跑緊返嚟，差些少到！驚畀人炳，所以同妳關照聲先……

燕姐：嘩占美哥！好積極……好有進步喎！依家成個高管人員咁，好有交帶！

占美：燕姐！妳知人表面不知心啦！其實我都唔想返工㗎，尤其是長假期過後，簡直就係由天堂跌返落地獄嘅感覺咁！

燕姐：咁你又咁積極，趕返嚟！做乜唔請日假呢？

占美：妳估我唔想咩！我嗰腦就只係諗緊嗰份勤工獎，成二千蚊！

燕姐：呵！原來你落嚟地獄探險，純粹為了尋寶！

占美：都可以咁講嘅！嗰份獎金，係糧尾時發揮嘅功能，簡直就係荒漠中嘅甘泉！

燕姐：成份糧都留唔到你個心，反而嗰份獎金仲吸引！

占美：喺囉！喺囉！點解嘅？……燕姐，我就嚟斷氣啦！好耐無一路跑，一路傾電話……返嚟先再講！

【EC生活微積Fun】

周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣)。