疫情持續，很多有返個錢的朋友都選擇飛到外地避一避，最有錢嗰班，嗱嗱臨交低香港的生意，直接坐私人飛機去加拿大滑雪，一般中產如我，飛日本住返個月絕對是首選。日本疫情不算嚴重，確診數字過百，僅次中國，是因為停泊於橫濱的鑽石公主號郵輪，佔了174宗(截至2月12日)，安全系數比點都唔肯封關、大陸人只需訂間酒店房自我隔離就可以自由出入的香港高很多吧！
本港的14日隔離措施，相比國內真的小巫見大巫，以深圳廣州為例，所有小區封路，出入要登記量體溫，某些區域限制人數出入，街上除了出售民生用品的超市外，店舖近乎全關，連鎖食肆也不准開門營業，街上掛上號稱史上最牛標語：「出門打斷腿，還嘴打掉牙！」公安城管軍隊駐守，擅自離開小區，唔係求其搵個童軍打個電話問你去邊咁簡單。深廣兩地確診數字各超300，香港截昨日50，有能力都落嚟啦，如有症狀，更加直衝深圳灣無疑。
說回投資，一開始提及那兩種可自由遠走他方的人種，是如何能做到呢？一就是超級大老闆，如誠哥都閃咗去自己個島啦！平民，就是靠被動收入，股息債息收租生意等，小弟生意上軌道已久，七年前想分散風險而主攻高回報外地樓，掌握了買入時機，回報大都超過十厘。疫情期內，吉隆坡及日本收租的物業租金沒有影響之餘，某地區還有升幅，投資外地物業，作中長線持有，長遠而言，會有穩定而安心的增長，當然要識得揀啦！展銷會是初階，一定要實地考察，再研究不同地區數據、未來發展等，或可多留意本欄。記著，買外地樓風險比本地大得多，須先學習，後投資。