地上最強……曾經係！巴塞已經痛失尼馬，可能下年夏天，連美斯都會走埋！7月時，巴塞表示會同美斯續約到2021年夏天，但美斯其實到依家都仲未簽名。有報道指美斯不滿MSN組合被拆散，覺得好冇癮，球隊增兵方面亦唔係好合佢心意。若果美斯有意他投，相信唔少球會流晒口水，據講美斯老爸已經同曼城高層緊密溝通緊，研究明夏同巴塞完約之後，可以免費過檔。
如果成事，對於巴塞嚟講真係大災難，冇完尼馬再又埋美斯，損失難以估計。美斯剛突破350個西甲入球嘅紀錄，繼續喺西甲入球排名領先成條街，比次席嘅C朗多出66球，冇埋佢，簽多幾個奧士文尼迪比利都唔掂。