黃翠如昨日與籃球員蘇伊俊出席發布會，翠如表示：「農曆年會放3日假，打算留喺屋企，原本打算去英國探個妹，但得3日，去唔成啦。」她透露妹妹本來是記者，但突然有日辭職，去英國開雞蛋仔檔，「我覺得佢呢種生活幾開心，我有其中一個妹，畫畫好叻，我希望開一間糖水店，可以展覽佢嘅畫，又以可賣糖水，我哋全家煮糖水都好叻，尤其係中式糖水，不過依家舖租好貴，可能去英國開。」談到好友洪永城跟女友唐詩詠冷戰，她說：「我哋私下冇傾感情事，唐詩詠好鍾意食嘢，我哋通常傾食，同洪永城就傾工作，但過年都會聚一聚，到時幫大家八卦下。」