馬德鐘與兒子馬在驤、唐詩詠與王君馨等，昨日為新劇試造型。唐詩詠一見傳媒非常興奮，稱因為可以與一直欣賞的前輩鮑起靜(鮑姐)合作，還有終於可以飛甩馬國明，不用再和他扮情侶。
唐詩詠、王君馨二人一起接受訪問，王君馨稱，「其他兩、三年前有機會同鮑姐響《同盟》合作，不過當時趕拍緊《超時空男臣》，之後一直後悔，今次真係圓夢。」唐詩詠則稱，鮑姐是她十分喜愛的女演員，「每次睇鮑姐嘅戲都會感動，一直都希望可以同佢合作，監製王心慰同我講，鮑姐今次會做我奶奶，馬德鐘就做我老公，聽到真係雙重好開心。」唐詩詠指，一直被安排與馬國明合演一對，今次終於可以撇甩對方，又可以與鮑姐拍對手戲，她稱：「今次拍劇好期待。」
父子檔上陣的馬德鐘，其子馬在驤樣貌比他還要成熟。
馬德鐘父子檔演戇居角色
首次拍劇的馬在驤，將演馬德鐘年輕時，他說參與劇集拍攝感新奇，問有何難演之處，他說：「要演九十年代有啲困難，(會否與爸爸同場演出？)以我所知就未有。(有沒有請教爸爸？)佢有指點吓我。」馬德鐘稱有與兒子研究角色，「我準備將自己年輕時特質話比佢知，等佢揣摩吓好演啲。」馬德鐘又指今次角色比較戇居，與過往的專業角色形象好大分別。