ViuTV重頭劇《I SWIM》將於今晚（22日）播映大結局，劇集自開播以來話題不斷，除咗題材夠晒青春同熱血之外，劇集雲集多位小鮮肉男神，不乏騷肌畫面，認真養眼。觀眾唔止將焦點放喺Jeffrey魏浚笙及Edan呂爵安@MIRROR身上，其他游泳隊成員同樣成為追捧對象，當中包括飾演何大秋嘅George歐鎮灝@P1X3L。
George歐鎮灝喺劇中飾演啟賢中學C班學生兼游泳隊成員何大秋，及係李馬榮（Edan飾）、余浪沖（Jeffery飾）、簡雲長（吳啟洋Phoebus飾）、程子帆（王智騫飾）嘅好友。佢自命愛情專家，以結識天下女生為己任。佢喺第一集已經亮眼登場，處事求其嘅大秋得知被泳隊隊長李馬榮貶為水運會4×50自由泳接力賽後備時，嬲到走去踢垃圾桶泄憤，之後再向Miss翁（吳海昕飾）投訴，原來呢個只係李馬榮安排嘅心理戰術。
網民讚George演出自然
之後，George喺劇中繼續有唔少發揮機會，例如為李馬榮提供愛情意見、因緊張喺50米自由泳比賽偷步而被取消資格、及與余浪沖喺水運會討論施詠（袁澧林飾）等等。去到噚晚（21晚）嗰集，大秋幫李馬榮練水計時，不過李馬榮不斷退步令大秋氣憤，仲話李馬榮而家廢過佢，激勵佢繼續努力練水。之後，余浪沖與施詠分手，游泳隊成員一齊安慰佢，大秋更為佢安排派對。
唔少網民睇過George嘅演出後，紛紛留言大讚佢演技自然及做得好好，例如「george做得很好，好自然，又似中學生，樣樣好恰當」、「好活潑轉數又快」、「真做得好好 好自然」、「佢今次真係要讚， 咁多仔仔佢今次表現好突出。」、「幾好幾自然，又搞笑，好過 E 先生」、「大秋呢個角色好啱佢，佢亦發揮得唔錯」、「george每次出場都好討好 雖然係做自己 但新人咁自然都好難得！」、「演技真係好自然 好有驚喜」、「被圈粉！」、「大秋做得好喎. 期待之後劇情更多發揮」、「大秋既角色好搶鏡」、「George 一直都做到下戲，今次呢個角色直頭為佢而設咁，幾好！」、「行搞笑得喎～靚仔搞笑有市場」、「佢真係超可愛 做得好好」、「都好搶鏡 好自然」、「George 仔真係做得好」、「我因為佢做呢個角色而有小小中意左佢」及「你演得幾好笑，今次你好有發揮，期待你再有新作品」等等。
George近期頻頻演出
現年23歲嘅George歐鎮灝，喺2019年參加ViuTV大型選秀節目《全民造星II》獲得第四名，並於2021年與Phoebus（吳啟洋）及Marco（葉振弘）組成P1X3L正式出道，派台歌曲包括《Braceless》、《Oh My 7 God》、《Just Lean On Me》及《This Is How We Roll》。另外，P1X3L喺《七救星》中獲玄學家七仙羽（七師傅）改名為「OMG」而人氣急升，更勇奪《2021年度叱咤樂壇流行榜頒獎典禮》嘅「叱咤樂壇生力軍組合銅獎」。George除咗P1X3L出團歌之外，佢亦作多線發展，參與《大海男兒》、《今餐有料到》、《囝囝女女730》、《香港秘密搜查官》及《聲控鬥室》等綜藝節目，及接拍劇集《大叔的愛》及《I SWIM》，漸漸被觀眾熟悉。
《I SWIM》劇照
歐鎮灝 George IG
《I SWIM》劇照
ViuTV IG
《I SWIM》劇照
ViuTV IG
《I SWIM》劇照
ViuTV IG
《I SWIM》劇照
《I SWIM》劇照
《I SWIM》劇照
歐鎮灝（George）
歐鎮灝（George）IG
歐鎮灝（George）
歐鎮灝（George）IG
PIX3L
PIX3L IG
PIX3L
PIX3L IG
歐鎮灝（George）
歐鎮灝（George）IG
歐鎮灝（George）
歐鎮灝（George）IG
歐鎮灝（George）
歐鎮灝（George）IG
原文刊登於 Yahoo娛樂LOL，am730獲授權轉載