MIRROR奪「我最喜愛的組合」。
2023年度叱咤樂壇流行榜頒獎典禮(叱咤2023)已圓滿結束，其中「我最喜愛的組合」 由大熱的MIRROR奪得。
MIRROR上台時，全員笑容欠奉，由隊長Lokman楊樂文代表發言。他稱2023年各成員都有不同作品，在不同範疇發展，「上年就有好多事情、新聞、人呀咁樣，我哋都覺得眼前呢條路，其實係我哋12個同埋我哋背後團隊上上下下一齊打出嚟嘅，咁就好多個『我』，但好少『我哋』。嚟緊呢個2024年，我哋會一齊做演唱會，我哋會一齊去唔同地方見Fans，希望我哋可以前前後後一齊，為大家、為鏡粉，繼續做更加多作品。多謝大家。」
將再推英文歌
過去有傳MIRROR有個別成員想離團，甚至指MIRROR將會分為A、B team，其中一team更由Anson Lo負責做「隊長」。不過，花姐及MIRROR都先後否認有關說法。今年MIRROR到不同地方開騷，有指是為了打入國際市場做準備，因此未來一年MIRROR會有不少團體作，再推出英文歌亦是2024年的計劃之內。
