張敬軒奪叱咤樂壇「我最喜愛的男歌手」。
2023年度叱咤樂壇流行榜頒獎典禮(叱咤2023)今日(1日)晚上7時，在亞洲國際博覽館ARENA舉行。「我最喜愛的組合」 由大熱的MIRROR奪得。
由隊長Lokman楊樂文代表發言。他稱2023年各成員都有不同作品，在不同範疇發展，「上年就有好多事情、新聞、人呀咁樣，我哋都覺得眼前呢條路，其實係我哋12個同埋我哋背後團隊上上下下一齊打出嚟嘅，咁就好多個『我』，但好少『我哋』。嚟緊呢個2024年，我哋會一齊做演唱會，我哋會一齊去唔同地方見Fans，希望我哋可以前前後後一齊，為大家、為鏡粉，繼續做更加多作品。多謝大家。」
即睇MIRROR訪問
林海峰指張敬軒「有玩未為輸」
林海峰負責頒發「我最喜愛的男歌手」 ，他談到張敬軒僅得一年拎過此獎，並用《叱咤》的音樂配上自己改的歌詞形容軒仔非常勤力，之後再提到張敬軒每年角逐此獎時，面對不同勁敵，包括有古天樂、姜濤、盧瀚霆及尹光。接著他再談尹光配上高科技AI。林海峰表示，很多人指他玩得很過份，他表示自己只是一年玩一次，但張敬軒就示範了「有玩未為輸」，笑指他相隔十年後再奪獎。此時張敬軒非常驚訝，露出天然呆。他上到台時大叫︰「多謝大家！」
林海峰負責頒發「我最喜愛的男歌手」 。
多謝香港 報答香港
軒仔表示，這幾年樂壇的trend在改變，很多謝大家投票給他。他續多謝鏡粉說︰「我好少喺公開場合多謝佢哋，要多謝MIRROR嘅粉絲，見到我社交平台嘅追蹤都係佢哋成員嘅樣。」他再說到︰「好多謝推我上呢個台嘅人，喺街站投我嘅香港市民同網民，尤其我啲粉絲，俾呢個肯定我，時代變遷，同我一齊入行嘅歌手一個一個咁少，有好多新面孔，惟有對呢行業世界有強烈嘅好奇心，先可以令我進步發展，作為廣州人喺香港打拼23年，由接納到相信我，係城市畀我嘅祝福同信任，新一年我會帶呢獎項報答呢個城市嘅人。
