由姜濤﹑陳卓賢（Ian）﹑呂爵安(Edan)﹑邱士縉(Stanley)﹑梁業（肥仔）﹑郭嘉駿（193）﹑張繼聰、童愛玲和葛綽瑤等合演的ViuTV原創劇《季前賽》將於下周一(24日)晚播出。ViuTV昨日(21)特意舉行記者會，邀請一眾演員簡介劇集及角色。
擔心乞人憎 曾想拒演
其中49歲的童愛玲在劇中演姜濤母親，久末拍劇的她坦言因姜濤考慮再拍劇，她表示「其實我跟導演(袁劍偉)係同學，導演搵我，跟我講咗個故仔同有邊個做。我睇完曾經諗過唔拍，因為呢個媽咪比較另類，大家都咁錫姜濤，我自己又好鍾意佢。做一個另類媽咪壓力好大，又驚會好乞人憎。後尾struggle咗好耐，導演又搵我傾，最後就決定拍。」
經合作後，童愛玲大讚姜濤很乖，但就大爆慘被他欺騙，原來姜濤用普通話跟童愛玲傾偈，又說自己來自台灣，起初童愛玲信以為真，後來才發現被阿仔呃！
Yoyo與姜濤攬攬
葛綽瑤(Yoyo)則在劇中與姜濤有感情線兼攬攬戲，問到姜濤好好攬嗎？Yoyo笑言：「嗰一下都好快，所以都唔係好記得。」至於可會擔心「姜糖」呷醋？Yoyo指是劇情需要：「大家代入咗角色可能都想有呢個情節。」