舞台劇《我推的男子》昨晚舉行第8場，魯文傑身體不適，臨時由梁祖堯頂替。(娛樂組攝)
由MIRROR成員楊樂文(Lokman)、蔡瀚億(BabyJohn)、陳穎欣(Yanny)主演的舞台劇《我推的男子》，昨晚(9日)於灣仔藝術中心壽臣山劇場舉行第8場，原本由魯文傑(Simon)飾演的經理人角色，由於Simon身體不適，改由聯合執導的梁祖堯頂替，眾人完騷謝幕時，BabyJohn透露當晚6時才決定由阿祖演出，由於正式演出前必須經過一次完整彩排，因此延遲了20分鐘開始，就此向觀眾致歉。事後阿祖在社交平台發文，交代臨魯文傑情況，「完塲先記起未食飯，食宵夜時收到最好消息係Simon 無大問題！不過醫生都建議佢休息多一日，所以聽晚都會係我替補。Simon 好好休息！期待你滿血回歸！」
魯文傑於下午在社交平台出po，交代病情，「本人昨日因突發蜂窩性組織炎影響腳部活動功能，經醫師診斷後明確建議需立即停止工作並接受休養。」對於臨時變動向，他向fans致歉，承諾會專心休養，以最好狀態重回舞台！
演員的壓力夢 被推上台的男子
梁祖堯在社交平台發文，交代臨時頂替魯文傑的原因，並分享箇中壓力和心情，他寫道，「演員嘅壓力夢，成日都係未排過一個演出，突然間推你上台。估唔到今日經歷咗一次。其實simon五點返嚟已經化好妝set好頭，但係去到6:00嘅時候，我哋全部人傾過，決定都係要迫佢入去醫院做一個詳細檢查，冇嘢緊要得過健康！」而本身是演員的阿祖，作為《我推》的編劇，是最熟悉走位和台詞的人，便負起頂替的重任，他續指，「作為導演嘅優勢就係大約都記得所有走位出入，台詞就盡力背，吸一口氣試吓啦！the show must go on ,即刻捉住所有對手背台詞，今日遲咗開場嘅原因就係去到最後一刻喺台上邊走一次所有嘅塲口。」
團結一致 台前幕後完美補位
阿祖初出場時，雖有一兩句對白甩嘴，但Lokman和BabyJohn都能完美補位，其中一場經理人與鐵粉蚊蚊(Yanny飾)讀信的深情對話，令現場觀眾動容，盡顯默契。整體演出𣈱順，與觀眾互動氣氛超好。阿祖寫道，「劇場就係一個咁奇妙嘅地方，大家團結一致冇嘢會做唔到。係好X驚，出場嘅時候隻手都震緊，真係好耐好耐冇試過咁緊張，但係有每一個演員台前幕後carry 住，今晚順利完成咗。」黃偉文(Wyman)亦留言鼓勵，「今晚之後，你第日嗰部自傳/回憶錄就多咗一場戲。」彭秀慧表示，「You made it !!!! 齊心力量都好勁！！！」Yanny留言，「心情仍然超級滾動，你真係太太太太太太太厲害！」她亦有在在IG限時動態分享，「非常滾動難忘的一天，非常慶幸自己能夠與這麼強勁的團隊合作，多謝上天，希望Simon早日康復。」BabyJohn在IG限時動感激台前幕後人員。
ADVERTISEMENT
