林盛斌連飲5杯奶。
林盛斌(Bob)在無綫台慶其中一個環節連杯5杯奶，其中一杯仲要特大杯，他更一度飲到噴出來。其後他在網上留言︰「啱啱嘔完，舒服返啲，希望大家鍾意呢part！」由於一次過灌這麼多牛奶，網民直言阿Bob搵命搏，大家亦讚他非常專業。
阿Bob飲到嘔，令大家非常關心，其後他在社交平台報平安，表示排練的時候飲了很多水，「搞到肚漲漲，真係好鬼頂，講真，都有影響到噚晚做司儀嘅狀態同表現，喺度要同製作單位講聲唔好意思。」他指那杯特大裝鮮奶是幕後臨時加碼︰「最後嗰杯加大碼應該係幕後想加強喜劇效果，所以俾個驚喜我，不過，難我唔到嘅，我嚇大㗎，飲咪飲，誰怕誰，只希望大家睇得開心同過癮。」
阿Bob事前不知道要飲這杯特大鮮奶。
多謝演藝界前輩
阿Bob希望觀眾更喜愛節目的下部份環節，稱胡楓、韓馬利及安德尊事前完全不知道會有人跟他們答謝及送花。他說︰「見到佢哋流露出真摯動人嘅反應，就係我哋最想做到嘅效果！多謝所有我認識與唔認識嘅演藝界前輩，因為有你哋為下一代開路同遮風擋雨，無私地將你哋嘅寶貴經驗同專業精神傳承落去，先可以令我哋呢個行業繼續生生不息。」