新一哥一上任就發生呢單拉錯人事件，唔知佢個心諗緊啲呢…….x#@m#*&z#
都唔知邊嗰屎橋王，要扣多人哋一晚，第二日仲同佢屋企人講，要告住先，扣多兩個禮拜，搞到人哋反面，又議員，又傳媒，搞到一鑊粥。
我啱啱上任就整單大鑊嘢，班伙記係唔係癲咗呀？個Suspect拉咗返嚟，傾幾句都知唔妥，人哋中度弱智加自閉，唔係睇唔出呀？我哋係「專業」嚟架，今次咩面都丟光啦！
指引講明，呢類Suspect要小心handle，要搵埋屋企人同社工陪佢，啲伙記居然就咁同佢錄口供，大佬，嗰份caution statement，個Suspect點會明白呀？佢連Caution係乜都唔知啦。嗰份口供就算有Admission，上到court都被官擲出街啦！仲被官鬧餐飽，使唔使再去學堂補一補呀？
仲有，人地要食藥，帶佢睇政府醫生開藥囉，呢啲例牌手續嚟架啦，扣住人哋啲藥想點呀？咩話？佢自己無提出要食藥？你咪再講，嫌被人鬧得少咩？
最離譜係人哋講咗有Alibi(不在場證據)，仲唔嗱嗱聲去check，人哋又人證，又錄影帶，仲有餵藥、沖涼記錄，擺明拉錯犯啦！應該請埋佢屋企人嚟，講番人有相似，宜家無事喇，搵車送人返屋企，咁咪一家團聚，大團圓結局囉！都唔知邊嗰屎橋王，要扣多人哋一晚，第二日仲同佢屋企人講，要告住先，扣多兩個禮拜，搞到人哋反面，又議員，又傳媒，搞到一鑊粥!宜家唔慌唔告啦！被人告硬啦！呢鑊非法拘留嚟㗎，打？點打呀？賠硬啦！
阿邊個仲搞笑，講咩警方唔會「賴貓」，喂！大佬！叫聲咁多位大佬，我哋專業㗎，宜家細路仔玩泥沙呀？傳媒做訪問，唔係預先度定Q &A㗎咩？
唉！睇嚟都無得揀，道歉啦！唔係被人鬧多一個禮拜，死緊啦！總之，快啲搞掂單嘢，唔好再搞到一鑊泡，我以後仲要出嚟見人㗎。
講完！
FB：http://goo.gl/NprQPZ