「蜜蜂」強搶3億鎊
2020-08-04

疫情下不一樣嘅足球決戰,8月起已由英足總盃起動,只見賽後頒獎求祈,主角奧巴美揚更跌盃,卻錄得當地電視台今年最多電視觀眾。同一場地今晚由兩支西倫敦球會「蜜蜂」賓福特同「英超常客」富咸爭上英超尾班車,可惜本地電視台吼瑞超,都唔吼呢場估值達3億英鎊巨獎嘅決戰。論新鮮感,剛起好新「社區球場」嘅賓福特,如成功搭到尾班車,會比前年仍喺英超角逐嘅富咸令人期待得多;至於由英超前名將柏加帶領嘅富咸,風格似阿士東維拉,升班即瘋狂買入一批庸將,打到尾場先保到英超「富貴命」。
 

逾70年未試過喺頂級聯賽角逐嘅賓福特,今季聯賽已兩勝富咸,佢哋嘅「BMW」前線三叉戟喺英冠所向披靡,咁啱富咸超班射手阿歷山大米祖域有傷,對攻「蜜蜂」會有著數。冇得睇呢場決戰,嚟緊仲有歐霸同歐聯唔少一場過嘅決戰上演,球迷咪當睇緊世界盃淘汰賽,都係呢個月呆在家中嘅最佳娛樂。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多