今晚歐聯16強首回合有場不俗戲碼，由波圖主場對祖雲達斯。波圖最近愈戰愈勇，上仗主場4比0大勝唐迪拉後，喺葡超連贏6場，只落後「一哥」賓菲加1分，絕對有力爭標。佢哋喺今屆歐聯分組賽成績唔錯，3戰取得2勝1和，今仗並無傷兵及停賽問題，可強陣出擊。「老婦人」近況亦甚勇，聯賽加盃賽連贏7場，喺意甲領先次席嘅羅馬7分，坐穩第一把交椅。佢哋喺今屆歐聯作客表現強勁，3戰全部贏晒，曾擊敗過里昂及西維爾等有實力嘅球隊。前鋒希古恩近態大勇，近5場攻入5球，但今仗仍有後衛基亞連尼及巴沙利因傷缺陣。兩隊近態及實力可謂旗鼓相當，但論到穩定性，祖記略勝一籌，預料今仗可坐和望贏。